Les for meg! er ein døropnar til den nynorske barnebokskatten, eit utgangspunkt for å skape felles opplevingar for barn og vaksne, retta mot ei målgruppe som ofte blir gløymt. For barna rundt skolestartalder treng forteljingar som speglar deira samtid og deira verd.

Les for meg! er ein antologi med stor breidd. Utdraga kjem frå ulike sjangrar og frå ulike forfattarar, og dei har forskjellig tematikk og språk. Slik blir samlinga i seg sjølv ei variert og spennande oppleving, samtidig som ho markerer at ho berre er eit lite utval frå ei stor skattekiste. Vi ønskjer at alle skal finne noko dei blir begeistra for, og at boka skal gjere det enklare å finne meir litteratur av same slag.

Med sine trettiåtte forfattarar, tjueto illustratørar, fem hovudsjangrar, omsett og original nynorsk litteratur, morosame, undrande, alvorlege, skumle, leikande, didaktiske og totalt sprøe tekstar, gir samlinga eit godt innblikk i det mangfaldet den nynorske barnelitteraturen kan by på.
(utdrag fra Petra J. Helgesens presentasjon av boka)