I Bløygen bur det tretten folk, som alle synes dei bur på den beste staden i verda. Dei har ordførar, buss, tre butikkar, ein trøbbelkiosk, ein lyktestolpe, ein bussjåfør og ei avis. Dei har eit kor, ein veg og ei bru. Dei har seg sjølv og dei har kvarandre. Men Keisemda ligg på lur. Ho ser alt og ho høyrer alt. Kva skjer med dei tretten folka i Bløygen om Keisemda slår til? Kva skjer med ordføraren Rosina Myrl, eller med Bidger og Esmiluni? Dette er den andre forteljinga frå Bløygen.
"Alle som budde i Bløygen syntes lenge dei budde på den beste staden i verda. Dei hadde ordfører. Dei hadde buss. Dei hadde tre butikkar, ein trøbbelkiosk, ein lyktestolpe, ein bussjåfør og ei avis.
Det budde tretten folk i Bløygen. Dei hadde eit kor, ein veg og ei bru. Dei hadde ei elv som rann under brua. Dei hadde seg sjølv, og dei hadde kvarandre.
- Ja, her har vi det godt, sa dei.
- Ja, her er det trygt og fint!
- Her kosar vi oss og har det triveleg, ja!
- Ja, nei her er det ikkje mykje kjedeleg!
- Kjedeleg her, nei!"
Men Keisemda ligg på lur. Ho ser alt og ho høyrer alt. Kva skjer med dei tretten folka i Bløygen om Keisemda slår kloa i dei? Kva skjer til dømes med ordføraren Rosina Myrl, eller med Bidger og Esmiluni, som var så utruleg forelska i den fyrste forteljinga frå Bløygen, VERDAS MEST FORELSKA PAR?
