Ein liten gut har stukke heimanfrå fordi mor var sint, og han går og går og ser og ser, til han brått kjenner seg både bortkommen og einsam. Heldigvis er det nokon som er ute og leitar, kanskje etter han? Ei biletbok med svart-kvitt foto frå ein drabantbyskog.
Vandringa i denne boka går gjennom ein skog i ein dal langs ei elv, Alnaelva i Groruddalen. Det kunne ha vore kvar som helst. Det treng ikkje vere så langt heimanfrå.
